Kalimi i fundit në Tiranë para Kryeministrisë, Fatos Nano përcillet për në varreza

Arkivoli me trupin e pajetë të ish-kryeministrit shqiptar ka bërë xhiron e fundit përpara kryeministrisë, ku Fatos Nano shërbeu 3 herë në krye të qeverisë shqiptare.

Ky është nderimi më i lartë që i bëhet një personaliteti shtetëror i cili ka mbajtur detyrën e kryeministrit.

Qindra njerëz ndoqën kortezhin duke duartrokitur dhe duke hedhur lule mbi arkivol.

Fatos Nano vdiq të premten në moshën 73-vjeçare. Ai do të varroset ne një ceremoni private familjare në varrezat e Sharrës në kryqytetin shqiptar.