“Taksirat i madh – s’është e thënë me mbetë kryeministër”, Deliu rikthen deklaratën e opozitarit Kurti
Deputetja e Partisë Demokratike të Kosovës, Blerta Deliu ka rikthyer një deklaratë të kryeministrit Albin Kurti kur ai ishte në opozitë, ndërsa fliste për kryeministrin e atëhershëm Isa Mustafa.
Kurti thoshte se Mustafa “po do me mbetë kryeministër me çdo kusht”. Këtë deklaratë, Deliu e shpërndau tani, kur kryetari i LVV-së po ua hedh fajin partive opozitare për mozgjedhjen e Presidentit.
“Taksirat i madh. Po do me mbetë kryeministër me çdo kusht. Po jo bre se Kosova është më e vlefshme, populli i Kosovës është i vlefshëm. S’është bre e thënë me u bë kryeministër – s’është e thënë me mbetë kryeministër. Kosova duhet të zhvillohet, rinia duhet të përparojë, të hapen vende pune”, kishte thënë atëherë Kurti.
