Prokuroria Speciale ngrit aktakuzë për vrasjen dhe masakrimin e familjes Jashari, Isufaj jep detaje në konferencë
Prokuroria Speciale e Republikës së Kosovës ka ngritur aktakuzë për rastin e vrasjes dhe masakrimit të familjes Jashari. Ai ka deklaruar se kjo është aktakuza e parë që lidhet me vrasjen e civilëve në lagjen e Jasharajve në Prekaz.
“Sot kemi dorëzuar një aktakuzë që lidhen me vrasjen e civilëve në lagjen e Jasharajve në Prekaz. Aktakuza bazohet në prova”, ka deklaruar Isufaj.
Isufaj ka thënë se kjo aktakuzë dëshmon përkushtimin e ndjekjes së krimeve të luftës, pavarësisht kompleksitetit dhe kohës së kaluar.
Ai ka deklaruar se s’mund të japë detaje, meqë rasti është në fazën e hetimeve.
“Prokuroria Speciale mbetet e përkushtuar në sundimin e ligjit dhe për ndjekjen penale për të gjithë personat për të cilat ka bazë ligjore dhe ka prova të mjaftueshme”, ka shtuar ai tutje.
