Lushtaku i jep lamtumirën e fundit bashkëluftëtarit Jahir Preku: Simbol i përkushtimit për lirinë
Kandidati i PDK-së për kryetar të Skenderajt, Sami Lushtaku, ka njoftuar për ndarjen nga jeta të ish-bashkëluftëtarit të tij, Jahir Preku.
Përmes një postimi në Facebook, Lushtaku ka bërë të ditur se sot i është dhënë lamtumira e fundit Prekut, të cilin e ka cilësuar si një bashkëveprimtar të devotshëm që i kushtoi gjithë jetën çështjes kombëtare.
“Jahiri ishte pjesë e çdo etape të rezistencës sonë, që nga demonstratat e vitit 1968, për të vazhduar veprimtarinë e tij patriotike në çdo fazë të mëvonshme, e cila kulmoi me luftën tonë çlirimtare,” ka shkruar Lushtaku.
Ai shtoi se Jahir Preku do të kujtohet gjithmonë si simbol i punës, besnikërisë dhe përkushtimit për lirinë dhe pavarësinë e Kosovës.
Në fund, Lushtaku i ka shprehur ngushëllime familjes Prenku, bashkëluftëtarëve, miqve dhe të gjithë dashamirëve të të ndjerit.
