‘Avni Dehari e shkeli Kushtetutën’, Murati nuk do ta pranojë – e akuzon ulët gjykatën
Deputeti i LVV-së, Hekuran Murati, e ka akuzuar ulët Gjykatën Kushtetuese për aktgjykimin për bllokadën në Kuvend, vendim ky që u publikua të hënën.
Në një postim në Facebook, Murati ka shkruar se aktgjykimi, siç thotë ai, duket si të jetë shkruar në zyrat e Partisë Demokratike të Kosovës.
Ai madje e hodhi poshtë konstatimin që e nxori kjo gjykatë, se kryesuesi Avni Dehari ka bërë shkelje, duke thënë se përkundrazi ai ka vepruar në përputhje të plotë me kushtetutën.
“Kushtetuta është e njëjta si në vitin 2014. Nuk ka ndryshuar”.
“Në fakt, ky Aktgjykimi i publikuar dje edhe duket sikur është shkruar në zyret e PDK-së, për dallim prej atij të datës 26 qershor që megjithatë linte përshtypjen se ka pasur kontribut edhe nga vetë Gjykata”.
