Avdyli: Propozimi i Dimalit ka qenë i befasishëm
Nuk e kishte pritur që Lëvizja Vetëvendosje të propozonte Dimal Bashën për kryetar të Kuvendit, tha deputeti i Partisë GUXO, Haxhi Avdyli.
I ftuar në emisionin “DPT te Fidani” në Klan Kosova, Avdyli tha se ky vendim ishte surprizues për të.
“Propozimi i Dimalit ka qenë i befasishëm, por në një farë forme është vendim i Vetëvendosjes. Unë nuk e kam pritur, ndoshta kam pritur shumë emra të tjerë”, u shpreh Avdyli.
Ndërkohë, Dimal Basha është zgjedhur kryetar i Kuvendit të Kosovës, me 26 gusht, pasi kishte marrë 73 vota pro.
