Burime brenda LDK-së mohojnë raportimet për takim Abdixhiku-Limaj: Kurrfarë planifikimi për sot s’ka pasur

Sot gjatë ditës në media është raportuar për një takim të mundshëm në mes të kreut të NISMA-s, Fatmir Limaj, dhe kreut të LDK-së, Lumir Abdixhiku, në një prej restoranteve të kryeqytetit.

Megjithatë nga Lidhja Demokratike e Kosovës e kanë demantuar një raportim të tillë.

Burime të Express brenda LDK-së bëjnë të ditur se një gjë e tillë s’është e vërtetë dhe se s’ka pasur kurrfarë planifikimi për një takim mes Limajt e Abdixhikut.

“S’është e vërtetë, s’ka pasur kurrfarë planifikimi për takim sot”, ka thënë ky burim për Express./GazetaExpres/