Ka dështuar për herë të 32-të seanca për konstituimin e përbërjes paralamentare të dalë nga zgjedhjet e 9 shkurtit.
Kryesuesi i seancës Avni Dehari tha se në sallë janë 75 deputetë.
Ai i ftoi PDK, LDK, AAK-Nisma dhe Listën Serbe për të propozuar anëtarë për Komisionin zgjedhor për zgjedhjen e kryetarit të kuvendit në votim të fshehtë. Këto parti edhe kësaj here nuk propozuan anëtarë.
Më pas Dehari e hodhi në votim komisionin, i cili nuk mori numrat e nevojshëm.
Pro votuan 45, një ishte kundër, ndërsa nuk pati asnjë abstenim.
Seanca tjetër do të mbahet më 17 qershor nga ora 10:00./Vendi Sot/
