“Duhen plane afatëgjata dhe vendime të guximshme”, Haradinaj: S’duhet të jetojmë më me pyetje “a erdh rryma” a “sa t’erdh fatura”

Kandidati i AAK-së për kryemministër, Ramush Haradinaj, ka folur për sektorin e energjisë.

Ai ka thënë se problem i energjisë nuk zgjidhet me arsyetime dhe improvizime.

“Krah një Kosove me rrymë të sigurt, të qëndrueshme dhe të përballueshme? Problemi i energjisë nuk zgjidhet me arsyetime e improvizime. Ai kërkon plane të mëdha, investime afatgjata dhe vendime të guximshme. Koha e errësirës, e faturave të paparashikueshme dhe e pyetjeve të përditshme duhet të marrë fund. Energjia nuk është luks, është bazë për ekonomi, biznese, shkolla dhe jetesë dinjitoze. VOTO 129 që të mos jetojmë më me pyetje si “a erdh rryma?” e “sa t’erdh fatura?”, ka thënë Haradinaj. /Gazeta Express