“Na ka marrë malli”, dy vjet nga vrasja e Liridona Ademajt, familja kërkon drejtësi
Sot (29 nëntor) janë bërë dy vjet nga vrasja e Liridona Ademajt, ndërsa familja e saj vazhdon të kërkojë që kriminelët të marrin dënimin e merituar.
Vëllai i saj, Leonard Ademaj, në një shkrim në rrjetet sociale ka thënë se mungesa e Liridonës vazhdon të ndihet çdo ditë dhe se dy vjetët e fundit kanë qenë të vështira për familjen.
“Na ka marrë malli shumë për prezencën tënde, asgjë më nuk është e njëjtë”, shkruan ai.
Familja ka premtuar të vazhdojë luftën për drejtësi.
“Do të luftojmë deri në frymën e fundit duke kërkuar drejtësi për ty. Kriminelët duhet të marrin dënimin e merituar”, ka shkruar tutje Leonardi.
