Një i vdekur dhe 10 të lënduar nga aksidenti në Komoran, dy në gjendje të rëndë

Një person ka vdekur dhe 10 të tjerë janë lënduar nga aksidenti në Komoran ku u përfshinë gjashtë vetura.

Burime të Klan Kosovës brenda Emergjencës në QKUK kanë bërë të ditur se dy nga 10 të lënduarit janë në gjendje të rëndë.

Të njëjtat burime kanë bërë të ditur se nga të lënduarit rëndë, njëri e ka gjendje jo stabile, kurse tjetri pavarësisht lëndimeve të rënda, gjendja e tij është stabile.

Klankosova.tv ka kontaktuar edhe me policinë dhe është në pritje të një konfirmimi zyrtar.