Ministri në detyrë i Infrastrukturës, Liburn Aliu, ka thënë se sot është nënshkruar projekti për ndërtimin e dy urave të reja mbi lumin Ibër.
“Bashkë me Kryetarin e Mitrovicës së Veriut, Erden Atiq, dhe Nënkryetarin e Mitrovicës, Arian Tahiri, në prani edhe të Kryesuesit të Bordit të Mitrovicës, Elbert Krasniqi nënshkruam Memorandum për mbështetje në projekte infrastrukturore mes MMPHI-së dhe të dy komunave; për një qytet më të lidhur, më funksional dhe më të jetueshëm për të gjithë banorët”.
Aliu shton se ky projhekt do ta lehtësojë qarkullimin e qytetarëve të komunës së Mitrovicës së Jugut dhe asaj të Veriut.
“Memorandumin e filluam me nënshkrimin e projektit të përbashkët të ndërtimit të dy urave të reja mbi lumin Ibër, projekte këto që do të lehtësojnë qarkullimin e qytetarëve të të dy komunave dhe do shërbejnë si infrastrukturë në komunikimin dhe bashkëpunimin ndërmjet qytetarëve, duke forcuar integrimin social dhe zhvillimin ekonomik në të dy anët”.
(1) Liburn Aliu – Memorandum Bashkëpunimi mes MMPHI-së dhe Komunave të… | Facebook
