Pas kërkesës së Presidentes Osmani, administrata Trump e vazhdon programin e MCC-së në Kosovë
Presidentja e Kosovës Vjosa Osmani, po qëndron në një vizitë zyrtare në Shtetet e Bashkuara të Amerikës.
Nga atje ajo ka marrë lajme të shkëlqyera, pas takimit në Washington D.C me Zëvendës Sekretarin amerikan të Shtetit Christopther Landau.
Në këtë takim, Osmani u njoftua zyrtarisht se kërkesa e saj për lejimin e fondeve e të MCC-së për Kosovën, është miratuar nga administrata Trump.
Shefja e shtetit të Kosovës, tha se ky program ka një ndikim transformues për sektorin e energjisë dhe zhvillimin ekonomik të vendit tonë.
“Lajm i shkëlqyeshëm për Kosovën! Mirënjohje e thellë për Shtetet e Bashkuara të Amerikës”, tha Osmani.
Postimi i Osmanit:
Pas takimeve të shkëlqyeshme në Washington D.C ku diskutuam për rëndësinë e Kompaktit të MCC për Kosovën, jam informuar edhe zyrtarisht nga Zv. Sekretari amerikan i Shtetit, Christopher Landau, se Administrata Trump ka miratuar vazhdimin e këtij programi për Kosovën — një program me ndikim transformues për sektorin e energjisë dhe zhvillimin ekonomik të vendit tonë.
Lajm i shkëlqyeshëm për Kosovën!
Mirënjohje e thellë për Shtetet e Bashkuara të Amerikës! 
