Raportohet se LVV po synon njëanshëm ta propozojë Konjufcën për President, Bajqinovci: Opozita detyrohet të marrë pjesë në votim
Deputeti i Lëvizjes Vetëvendosje, Mefail Bajqinovci tha se opozita duhet të marrë pjesë në votimin për Presidentin, ndërsa po raportohet se kjo parti po synon ta propozojë njëanshëm Glauk Konjufcën si kandidat.
Bajqinovci shkroi në një postim në Facebook se “opozita nuk duhet të bllokojë procesin për zgjedhjen e Presidentit”.
“Deputetët e opozitës duhet të qëndrojnë në sallë dhe të marrin pjesë në votim për Presidentin. Bojkoti nuk është zgjidhje – pjesëmarrja dhe vota janë detyrim kushtetues”, shkroi ai.
