Rinumërohen rreth 74% e vendvotimeve, procesi përmbyllet në 27 komuna
Në Qendrën e Numërimit dhe Rezultateve janë rinumëruar rreth 74% apo 1,887 nga 2,557 vendvotime, raporton Vendisot.info
Kjo është bërë e ditur nga KQZ:
Në QNR rinumërohen rreth 74% apo 1,887 nga 2,557 vendvotime, 27 komuna përmbyllin procesin
Në Qendrën e Numërimit dhe Rezultateve është duke vazhduar numërimi i fletëvotimeve sipas listës së vendvotimeve për të cilat KQZ ka marrë vendim që të rinumërohen.
Nga fillimi i këtij procesi (e martë, 13 janar 2026, ora 18:00) dhe deri më tani (e martë, 27 janar 2026, ora 10:00) janë rinumëruar rreth 74% apo 1,887 nga 2,557 vendvotime.
Në platfomën e KQZ-së për rezultate https://resultsparliamentary2025.kqz-ks.org/ në hapësirën QNR > Rinumërim, do të paraqiten rezultatet pas numërimit të çdo vendvotimi.
