Kosova në epërsi pas pjesës së parë ndaj Suedisë, po vendos goli i Asllanit

Ka përfunduar pjesa e parë në Goteborg, mes Suedisë dhe Kosovës.

https://x.com/EURO2024DE/status/1977817314763636849

Kombëtarja e Kosovës është në epërsi pas 45-minutëshit të parë, shkruan “Gazeta Express”.

Golin për “Dardanët” e shënoi Fisnik Asllani në minutën e 32-të.

Goli i 22-vjeçarit, u asistua nga bashkëmoshatari i tij, Veldin Hoxha, i cili po luan për herë të parë si startues.

Në anën tjetër, Suedia pati disa gjysmëraste, mirëpo pa rrezikuar edhe shumë portën e Arijanet Muricit.

Kosova pati edhe një mundësi të artë për ta dyfishuar epërsinë pas dy rasteve të Vedat Muriqit dhe Leon Avdullahut, me goditjen e këtij të fundit që u ndal nga shtylla.

https://x.com/kosovanfooty_EN/status/1977816964446945690?ref_src=twsrc%5Etfw%7Ctwcamp%5Etweetembed%7Ctwterm%5E1977816964446945690%7Ctwgr%5E380f28d55f6fe372197ef07abb3e543284756bb5%7Ctwcon%5Es1_c10&ref_url=https%3A%2F%2Fwww.gazetaexpress.com%2Fkosova-ne-epersi-pas-pjeses-se-pare-ndaj-suedise-po-vendos-goli-i-asllanit%2F

Kosova e Suedia bëjnë pjesë në Grupin B të kualifikimeve për Kampionatin Botëror të vitit 2026, së bashku me Zvicrën e Slloveninë./GazetaExpress/