Fejza: Opozita po kërkon zgjedhje ende pa u certifikuar rezultati, a nuk e morët mesazhin e qytetarëve?

Deputetja e zgjedhur e Lëvizjes Vetëvendosje, Arjeta Fejza, i ka akuzuar partitë që ishin në opozitë se po kërkojnë zgjedhje të reja.

Ajo shkroi në një postim në Facebook se “opozita të vetmen fjali që po e përdor në baza ditore është: zgjedhje të reja”.

“Ende pa u certifikuar rezultati zgjedhor e ende pa ndodhur konstituimi i Kuvendit, opozita të vetmen fjali që po e përdor në baza ditore është: zgjedhje të reja”, shkroi ajo.

“A nuk u ngopët, a nuk e morët mesazhin e qytetarëve? Çfarë është kjo qasje e pakuptimtë?”, shtoi Fejza.