Moti në Kosovë me diell dhe vranësira, në disa zona pritet shi

Instituti Hidrometeorologjik i Kosovës ka bërë të ditur se moti do të jetë kryesisht me diell dhe vranësira të shpërndara, ndërsa në disa zona të vendit parashihen reshje shiu.

Sipas parashikimit të IHMK-së, temperaturat minimale do të lëvizin nga 4 deri në 7 gradë Celsius, ndërsa ato maksimale pritet të arrijnë nga 17 deri në 21 gradë Celsius.

Era do të fryjë nga drejtimi i jugperëndimit, me shpejtësi prej 1 deri në 6 metra në sekondë.