Policia e Kosovës ka reaguar përmes një komunikate për media, përmes së cilaës ka dhënë detaje rreth marrjes së nënshtetësisë ndaj serbit Nikolla Vujoviqit, duke bërë të ditur se i njëjti do të largohet me forcë nga vendi, raporton Vendi Sot
“Bazuar në vendimin e Ministrisë së Punëve të Brendshme mbi humbjen e shtetësisëme privim, ndaj personit N.V., ish shtetas i Republikës së Kosovës dhe njëkohësisht edhe i Serbisë dhe pjesëtar i inteligjencës së policisë në Serbi, Policia e Kosovës, Drejtoria për Migrim dhe të Huaj, ndaj personit në fjalë ka filluar procedurat për largim me forcë nga vendi ynë”, thuhet në komunikatën e Policisë së Kosovës.
Tutje, në reagim thuhet se, “Drejtoria për Migrim dhe të Huaj, ndaj personit të fjalë është duke u zhvilluar procedura bazuar nëligjet që rregullojnë këtëçështje dhe lidhur me këtë ka lëshuar vendimin për largim me forcë të personit N.V.,nga territori i Republikës së Kosovës”.
Poashtu, bëhet e ditur se ndaj shtetasit serb Nikolla Vujoviqit, i është caktuar masa e ndalimit.
“Deri në përfundim të këtyre procedurave, në përmbushje të kushteve për ekzekutimin e vendimit, personit në fjalë i është shqiptuar masa e ndalimit në Qendrën e Mbajtjes për të Huaj”, përfundon komunikata e Policisë së Kosovës./Vendi Sot/
