Presidentja e Kosovës, Vjosa Osmani ka kujtuar 10 qershorin e vitit 1878, Lidhjen Shqiptare të Prizrenit ku u mblodhën përfaqësuesit më të mençur të katër vilajeteve për të ngritur zërin e shqiptarëve në mbrojtje të trojeve dhe të drejtave të tyre.
Osmani ka thënë se Lidhja Shqiptare e Prizrenit u bë themel i vetëdijes sonë kombëtare, testament i vullnetit për liri dhe paraprijëse e pavarësisë.
“Sot, 147 vite më vonë, nderojmë me përulje veprën e Abdyl Frashërit, Ymer Prizrenit, Sulejman Vokshit dhe të gjithë patriotëve të tjerë që e mbajtën gjallë idealin e një kombi të lirë dhe të barabartë në mes kombeve të Evropës. Urime 147 vjetori i Lidhjes së Prizrenit!”, ka shkruar Osmani.
