Kurti pret në takimet ambasadorët e huaj, ZKM: Mori urime për Presidenten dhe kthimin e stabilitetit

Kryeministri i Kosovës, Albin Kurti, ka pritur sot në takim shefin e Zyrës së Bashkimit Europian, atë të EULEX-it, ambasadorë të shteteve anëtare, si dhe atë të Mbretërisë së Bashkuar.

Në njoftim, Zyra e Kryeministrit tha se Kurti pranoi urime për “zgjedhjen e presidentes dhe kthimin e stabilitetit institucional, përkatësisht krijimin e kushteve për përqendrim të plotë në planin dhe prioritetet e Qeverisë në mandatin e ri”.

“Krahas diskutimeve për vazhdimin e bashkëpunimit dhe reformat, u ri-konfirmua mbështetja për përparimin e Republikës së Kosovës në rrugën drejt integrimit në Bashkimit Evropian”, tha ZKM në një njoftim të shkurtë për këtë takim.

/Vendisot.info